Ҳужумчи Криштиану Роналду фаолиятидаги 1000 та голга эришиш учун яхши имкониятга эга. Жума куни португалиялик "Ал-Ҳилол"га қарши ўйинда дубль қайд этди ва у томонидан киритилган голлар сони 931тага етди. Ўйиндан сўнг Роналду 1000та гол ҳақида фикр билдирди.
"Йигитлар, келинглар, ҳозирдан завқланайлик. Мен 1000 та гол ортидан қуваётганим йўқ. Агар шундай бўладиган бўлса, бу жуда зўр бўлади. Агар шундай бўлмаса, унда содир бўлмайди. Энг ўзига хос нарса бу ҳозирги лаҳза", - деди Роналду Goal порталига.
"Ан-Наср" Саудия Арабистони чемпионати турнир жадвалида биринчи ўриндаги "Ал-Иттиҳод"дан етти очко ортда қолган ҳолда учинчи ўринни эгаллаб турибди.
