Серхио Агуэро Кевин де Брюйненинг "Манчестер Сити"ни тарк этиш қарорига муносабат билдирди.
"Шаҳарликлар" ва Бельгия терма жамоасининг 33 ёшли ярим ҳимоячиси аввалроқ мавсум якунида инглиз клубини эркин агент сифатида тарк этишини маълум қилганди. У қарор ҳақида шундай баёнот берди: "Ҳар бир ҳикоя тугайди, лекин бу энг яхши боб бўлди, биз ҳамма нарсани ютдик. Бу жой ҳар доим бизнинг уйимиз бўлиб қолади".
"Сиз "Манчестер Сити"ни буюк қилдингиз ва сиз энг яхшисига лойиқсиз. Клубда кўп йилларни бирга ўтказиш ва сизнинг янада ўсишингизга ёрдам бериш мен учун шараф эди. Ҳаммаси учун раҳмат, афсона!" - деб ёзди "Манчестер Сити"нинг собиқ форварди ижтимоий тармоқларда.
