Туркиянинг "Галатасарой" клуби ҳужумчиси Виктор Осимхен ёзда "Челси"га ўтмоқчи.
Осимхен ўтган ёзда деярли "Челси"га ўтганди, бироқ "кўклар" муддатидан аввал "Наполи" билан келишувга эриша олишмади, натижада Виктор "Галатасарой"га ижарага берилди.
Осимхен "Галатасарой"да устунлик қилмоқда. 32 ўйинда 28 та гол уриб, 5 та голли узатмани амалга оширган 26 ёшли нигериялик футболчи жаҳон футболидаги энг яхши ҳужумчилардан бири сифатидаги обрўсини тиклади.
"Челси" ҳамон тўпурар излашда давом этмоқда ва Football Transfers эксклюзив материалида Лондон клуби Осимхенга бўлган қизиқишни қайта тиклашга тайёрлигини таъкидламоқда.
Сўнгги бир йил ичида Осимхеннинг ўзи ҳам "Челси"га ўтиш истагини йўқотмаган. Бошқа вариантларнинг кўплигига қарамай, Виктор "кўк" ни афзал кўради.
