Суперлига 4-туридан ўрин олган "Нефтчи" - "Навбаҳор" учрашуви якунига етди. Голларга бой ўтган ўйинда фарғоналиклар 3:2 ҳисобида иродали ғалабага эришди.
Дастлаб, 29-дақиқада Азим Аҳмедов жаримадан супергол киритиб, наманганликларни олдинга олиб чиқди.
Иккинчи тайм бошидаёқ Билолхон Тошмирзаев (48) мувозанатни тиклади. Орадан икки дақиқа ўтиб Русланбек Жиянов яна "Навбаҳор"ни ҳисобда олдинга олиб чиқди. Кейин Зоран Марушич икки бор гол уриб (64, 72), фарғоналикларга мавсумдаги илк уч очкони келтирди.
"Нефтчи" 6 очко билан 6-ўринга кўтарилди. "Навбаҳор" 5 очко билан 7-ўринда.
