"Манчестер Сити" бош мураббийи Хосеп Гвардиола Кевин де Брюйненинг ўрнини ҳеч ким боса олмаслиги ҳақида гапирди.
Шанба куни 33 ёшли ярим ҳимоячи мавсум якунида клубни эркин агент сифатида тарк этишини эълон қилди. Бельгиялик футболчи "шаҳарликлар" сафида ўн йилдан бери тўп тепиб келмоқда.
"Клуб олдинга интилиши керак. Кевиннинг рақамларини такрорлаш жуда қийин.
Бундай ўйинчиларни топиш жуда қийин. Мен Винни [Венсан Компани] ва Серхио [Агуэро] бу ерда абадий бўлишини хоҳлардим, энди улар сафига Кевинни қўшиш мумкин. Улардан ажралиш қийин.
Клуб муваффақиятларини ифодаловчи ноёб ўйинчилар бор ва де Брюйне улардан бири", - деди испаниялик мутахассис.
