"Бавария" директори Макс Эберль 35 ёшли ярим ҳимоячи Томас Мюллер билан меҳнат шартномасини узайтирмаслик қарори қандай қабул қилингани билан ўртоқлашди. Футболчи мавсум якунида клубни тарк этади.
“Қарорнинг молиявий томони йўқ эди, бу спорт эди. Биз унинг агенти билан ноябрь ойида гаплашдик ва ҳаммаси яхши эканини айтдик. Шунда агент дарҳол март ёки апрелда яна учрашамиз, деди. Январ ойида мен ўз баёнотимни айтдим, агар Мюллер клубда қолишни истаса, тезда қарор қабул қилинади. Бу мен учун ақлсиз эди. Ўшанда ҳаяжонда эдим ва "Бавария"ни Томас Мюллерсиз тасаввур қила олмасдим.
Кейин биз Томаснинг ўйин вақти январь ойидан бошлаб тез қисқара бошлаганини кўрдик. Спорт раҳбарияти бу масалани ўрганишга киришдик. Бир пайтлар шартномани узайтирмаслик тўғрисида қарор қабул қилинди ва директорлар кенгаши билан келишилди. Томас ноодатий футболчи. Биз бу қарор қанчалик қийин бўлишини билардик", - деди Эберль.
