"Ливерпуль" устози "Фулхэм"га қарши ўйиндаги мағлубиятга муносабат билдирди.
Нидерландиялик мутахассис футболчиларнинг хатога йўл қўйганини айтди. Бироқ, у чарчоқни четга сурди
"Ўйлайманки, йўл қўйган хатоларимиз футболчиларнинг чарчаганидан бўлган эмас. Бу қандай ишлашини биламан: агар биринчи бўлимда учта гол ўтказиб юборсангиз, ҳамма: вой, бу фалокат бўлди, дейди.
Аммо ортга назар ташласангиз, ўйин бошида яхши лаҳзаларни кўрасиз. Ярим соатдан кейин таблога қарадим, ҳисоб 1:1. Яхши, бу бизнинг энг яхши ўйинимиз эмас, лекин назорат бизда, деб ўйладим. Тўсатдан кўзимни юмиб очдим ва биз 3:1 ҳисобида ютқазаётган эдик.
Иккинчи бўлимда биз жуда кўп вазиятлар яратдикки, қайтишимиз мумкин эди, аммо вақтимиз тугаб қолди. Охирги 20-25 дақиқада учинчи гол уришимиз мумкинлиги ҳаммага аён бўлди", - дейди Слот.
