"Ливерпуль" ярим ҳимоячиси Алексис Мак Аллистер жамоанинг Премьер-лигада чемпионлик учун курашга муносабати ҳақида гапирди. 31 турдан кейин “қизиллар” турнир жадвалида пешқадамлик қилмоқда (73 очко), 2-ўриндаги “Арсенал”дан (62 очко) олдинда.
"Ўйлайманки, кўпчилик мавсум тугади, дейишади, лекин кийиниш хонасида биз бундай эмаслигини тушунамиз. Олдинда ҳали кўп ўйинлар бор ва уларнинг ҳар бири бундай лигада ниҳоятда қийин бўлади.
Ҳамма нимадир учун курашади. Биз ўзимиз кўниккандек, ўзимиз хоҳлаган тарзда ўйнаб, бугунги ўйиндаги хатоларга йўл қўймасликни аниқ тушунишимиз керак", деди футболчи.
