"Манчестер Сити" ярим ҳимоячиси Кевин де Брюйне клубини ўзгартиришга тайёргарлик кўрмоқда. 33 ёшли футболчи жорий мавсум якунлангач эркин агентга айланади, шу боис у ҳозирданоқ янги иш берувчилар билан музокаралар олиб бориши мумкин. Журналист Эдуардо Бургоснинг хабар беришича, айни дамда бельгиялик футболчи учун курашда "Нью-Йорк Сити" етакчилик қилмоқда. Аввалроқ МЛСнинг бошқа бир вакили - "Интер Майами" футболчига қизиқиш билдираётгани ҳақида хабарлар тарқалган эди.

Кевин де Брюйне "Манчестер Сити"да ўн йил ўтказди. Футболчининг ўзи ўтган ҳафта кетишини эълон қилганди. Миш-мишларга кўра, унинг таклифидан Саудия Арабистони клублари ҳам манфаатдор.