Украиналик журналист Игор Циганик Лондоннинг “Челси” клуби ярим ҳимоячиси Михайло Мудрикнинг “Б” тест натижалари ҳақида хабар берди.
У ўзининг YouTube каналида янгилик билан бўлишди. Журналистнинг хабар беришича, иккинчи намунанинг натижаси ижобий бўлган.
Айни дамда Мудрикнинг вакиллари ҳукм устидан шикоят қилишга ҳозирлик кўрмоқда. Вазият бўйича якуний қарор қабул қилинмагунча, допинг-тест натижаси расман эълон қилинмайди.
Эслатиб ўтамиз, Михаил тақиқланган дори воситаларини истеъмол қилгани учун тўрт йилга дисквалификация қилиниши мумкин.
