Антонио Контенинг "Наполи"даги ёрдамчиси Кристиан Стеллини А сериянинг 31-турида "Болонья"га қарши ўйиндан сўнг (1:1) интервью берди.
Неаполликлар бунгача “Парма”ни мағлуб эта олмаган (2:2) пешқадам “Интер” билан орадаги фарқни қисқартириш имкониятини қўлдан бой беришди.
"Нерадзуррилар" "Наполи"дан ҳамон 3 очко олдинда.
"Биз муҳим нарса учун курашмоқчимиз, лекин мавсумни кучли тўртликда якунлаш мақсади билан бошлаганимизни ҳам унутмаслигимиз керак.
Агар биз руҳий жиҳатдан яхшиланишда давом этсак ва иккинчи бўлимда керакли интенсивликни сақлаб қолишни ўргансак, бундан ҳам каттароқ нарсани орзу қилишимиз мумкин", - деди Стеллини.
