"Барселона" дарвозабони Марк-Андре тер Штеген гуруҳга қўшилди. Бу ҳақда журналист Алекс Пинтанел хабар берди.
Эслатиб ўтамиз, 32 ёшли германиялик жиддий жароҳат туфайли жорий мавсумнинг катта қисмини ўтказиб юборди. Манбанинг айтишича, "блауграна"нинг гуруҳ машғулотларида жароҳатдан сўнг майдонга қайтган ҳимоячи Иньиго Мартинес ҳам иштирок этмоқда.
Эртага, 9 апрель куни “Барселона” УEФА Чемпионлар лигасининг биринчи чорак финал учрашувини Дортмунднинг “Боруссия” жамоасига қарши ўтказади.













