Ҳужумчи Маркус Рэшфорд қишда “Манчестер Юнайтед”ни “Астон Вилла”га алмаштирди ва ижара асосида Бирмингемга ўтди. Ўшандан бери Рэшфорд 12 та ўйинда майдонга тушиб, 3 та гол урди ва 4 та голли узатмани амалга оширди.

L’Equipe хабарига кўра, "ПСЖ" футбол маслаҳатчиси Луиш Кампуш Рэшфорд атрофидагилар билан алоқаларни тиклаган. Афтидан, Лига 1 гиганти ушбу ёзда инглиз форвардини қўлга киритишга ҳаракат қилиши мумкин.

Маркус 27 ёшда. Нуфузли Transfermarkt портали экспертлари футболчини 50 миллион еврога баҳоламоқда. Рэшфорднинг "Манчестер Юнайтед" билан шартномаси 2028 йилнинг ўрталарига қадар амал қилади.