Hujumchi Markus Reshford qishda “Manchester Yunayted”ni “Aston Villa”ga almashtirdi va ijara asosida Birmingemga o‘tdi. O‘shandan beri Reshford 12 ta o‘yinda maydonga tushib, 3 ta gol urdi va 4 ta golli uzatmani amalga oshirdi.

L’Equipe xabariga ko‘ra, "PSJ" futbol maslahatchisi Luish Kampush Reshford atrofidagilar bilan aloqalarni tiklagan. Aftidan, Liga 1 giganti ushbu yozda ingliz forvardini qo‘lga kiritishga harakat qilishi mumkin.

Markus 27 yoshda. Nufuzli Transfermarkt portali ekspertlari futbolchini 50 million yevroga baholamoqda. Reshfordning "Manchester Yunayted" bilan shartnomasi 2028 yilning o‘rtalariga qadar amal qiladi.