Бугун Тошкент вақти билан соат 16.00да старт оладиган беллашувда миллий терма жамоамиз Жанубий Корея термасига қарши биз учун жуда муҳим бўлган учрашувда майдонга тушади. Агар мана шу ўйинда мураббийларимиз тўғри тактика қуллаб, рақиб устидан ғалаба қозонадиган бўлсак, келаси йили Бразилия ёшил майдонларида бўлиб ўтадиган навбатдаги Мундиалда илк бора қатнашамиз. Бу мустақил давлатимизнинг Мундиалдаги дебют иштироки бўлиб тарихдан жой эгаллайди.
Энди мен сизларга мухлислар орасида кўп бора тилга олинадиган Мундиал сўзи ҳақида ўзимнинг қизиқишимдан келиб чиқиб билганларимни эътиборингизга ҳавола этмоқчиман.
Мундиал сўзи испан тилидан таржима қилинганда «бутун жаҳон миқёсида» деган маънони англатади. Агар катта ёшли отахон-акаларимизнинг ёдида бўлса, 1982 йилги Жаҳон чемпионати Испания давлатида ўтказилган эди. Футбол бўйича ўтказилган мана шу жаҳон чемпионатида испан мухлисларининг таъбири билан айтганда бошқа спорт турларига мос равишда солиштирганда, футбол ўйини бутун жаҳон миқёсида ўзининг янада жозибадорлиги билан дунёда тенгсиз эканлиги мухлисларнинг эътиборини тортган бўлса не ажаб.
Ҳурматли ватандошлар, Ўзбекистон миллий терма жамоамиз ҳам келаси йил Бразилияда ўтадиган навбатдаги Мундиалда ўз тарихимизда илк бора қатнашишга жуда яқин турибмиз. Биз олисдаги ва яқиндаги мухлислар миллий терма жамоамизни қўллаб-қувватлаб турайлик.
Жорий йилнинг 6 декабрь куни Бразилияда ўтадиган қуръа ташлаш маросимида иштирок этадиган 32та бахтли терма жамоалар ичида бизнинг миллий терма жамоамиз ҳам қатнашиб, қуръа шарлари ичидан UZBEKISTАN деган ёзувни куриш насиб этсин, илоҳим.
Абдумажид Қодиров
