"Реал" Чемпионлар Лигаси 1/4 финал дастлабки ўйинида "Арсенал" меҳмони бўлиб, 0:3 ҳисобида мағлуб бўлди. Ўйиндан кейин Мадрид жамоаси ҳимоячиси Рауль Асенсио ўз фикрларини билдирди.
"Бу қийин. Биз 100 фоиз ўзимизни кўрсатмадик. Бугун ҳамма нарса биз режалаштиргандек бўлмади. Вазиятни ўзгартириш учун ишлаймиз. Агар буни қила оладиган жамоа бўлса, бу биз.
Жамоадаги муҳит қандай? Жаҳлимиз чиқди. Бу биз кутган нарса эмас, лекин биз ҳамма нарсани ўзгартира олишимизга ишонамиз. Бу - "Реал." Биз ижобий кайфиятда бўламиз ва ҳаракат қиламиз," - деди Асенсио Мовистаръга.
