Ҳайқирганда мухлислар!

Чироқ ёқиб топилмаса кундузлар
Мухлисларсиз ҳеч вақодир юлдузлар!
Бутун Тошкент майли кетсин зириллаб
Бироз ўтиб ҳайкирганда мухлислар!
 
Бу овозга қулоқ тамом толсин-ей,
Ёмғир ҳатто ўзин пана олсин-ей,
Корейс шўрлик тўп теполмай қолсин-ей
Бироз ўтиб ҳайкирганда мухлислар!
 
Майсажонлар хўл айласа заминни,
Фаришталар тингласалар омийнни,
Фарҳод излаб топақолса Ширинни,
Бироз ўтиб ҳайкирганда мухлислар!
 
Мухлис халқи ўзин айтар: Қозимиз,
Жуда хавфли рақибдан ҳам озимиз...
Чойнинг томи кетса розимиз
Бироз ўтиб ҳайкирганда мухлислар!
 
Ҳужумчилар арслон бўлиб ўкрагай,
Марказчилар оғир юклар юклагай,
Нестеров ҳам мушук бўлиб сакрагай
Бироз ўтиб ҳайкирганда мухлислар!
 
Бу ерда йўқ бу гап: Овозинг ўчир!
Ёқмаса гар кўчу кўронинг кўчир...
Чорсудаги бозорчилар бир чўчир,
Бироз ўтиб ҳайкирганда мухлислар!
 
Кўриб чўчинг, бу даргоҳда одамни,
Унутиблар бўлмас асло бу дамни,
Ўзбекистон яна босар қадамни
Бироз ўтиб ҳайкирганда мухлислар!
 
Ким айтдики, мухлис зоти толади,
Зинҳор, зинҳор, баттар завққа тўлади!
«Истиқлол»да концерт тўхтаб қолади,
Бироз ўтиб ҳайкирганда мухлислар

Руний