Ўзбекистон Кубоги доирасида ОКМКга қарши ўйиндан сўнг "Пахтакор" бош мураббий Педру Морейра баҳс ҳақида фикрларини билдирди.
"Чиройли ўйин бўлди, биз муҳим ғалабага эришдик. Йигитлар яхши ўйин кўрсатишди. Кўп имкониятларимиз бўлди. ОКМК билан биринчи беллашувдаги хатоларни тўғрилашга ҳаракат қилдик. Рақиб ҳам баъзи ўзгаришларни амалга оширди. Уларнинг бизга муаммо туғдирган жиҳатларига йўл қўймасликка интилдик.
Жамоа хотиржам ўйнаши зарур. Рақиб босим қилган тақдирда ҳам бундан чиқиб кетишни ўрганиб, бўш ҳудудларга чиқиб боришни ўзлаштириш лозим. Бугун рақиб дарвозаси сари кўпроқ зарбалар йўлладик. Бугун ғалабага ҳақли бўлдик деб ўйлайман" - Морейра.
