Австралия миллий терма жамоси ўз майдонида Иорданияни мағлубиятга учратиб, "В" гуруҳида 2-ўринга кўтарилиб олди.
Турнир жадвалидан келиб чиқиб, меҳмонлар ҳам олдинги интилишга мажбур эдилар. Натижада маҳоратли "кенгурулар" рақибни тор-мор келтирди. Биринчи бўлимда ўнг қанотдан уюштирилган ҳужумни Брешиано голга айлантирди. Иккинчи бўлимда эса Иордания дарвозасига тўп яна 3 марта киритилди.
Австралия ҳисобидаги очколар сони 10тага етди ва улар тўғридан-тўғри йўлланма учун асосий даъвогарга айланиб олишди. Иордания эса энди фақат 3-ўрин учун кураш олиб боради.
ЖЧ-2014 САРАЛАШ. "В" ГУРУҲИ. 9-ТУР
АВСТРАЛИЯ - ИОРДАНИЯ - 4:0
Голлар: М.Брешиано (15), Т.Кэхилл (61), Р.Крус (76), Л.Нейл (84)
Австралия: Шварцер, Уилькшир, Неил, Огненовски, МакКей, Круз, Миллиган, Бришиано, Оар (Томпсон 60), Холман (Рогич 79), Кэхилл
Иордания: Амир Саббоҳ (Аҳмад Абдул Сатар 88), Аднан Сулаймон, Сайид Муржан, Амир Дийб (Ҳамза ал-Дарадрен 67), Муҳаммад Мустафо, Удай ас-Сафий (Ёсин ал-Бахит 67), Халил бани Атея, Абу Ҳашшош, Босим Усмон, Анас Бани Ёсин
Бош ҳакам: Абдул Малик Абдул Башир (Сингапур)
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Япония | 7 | 4 | 2 | 1 | 15-5 | 14 |
| 2 | Австралия | 7 | 2 | 4 | 1 | 11-7 | 10 |
| 3 | Уммон | 7 | 2 | 3 | 2 | 7-9 | 9 |
| 4 | Иордания | 7 | 2 | 1 | 4 | 6-16 | 7 |
| 5 | Ироқ | 6 | 1 | 2 | 3 | 4-6 | 5 |
