УEФА матбуот хизмати Чемпионлар лигасида ҳафтанинг энг яхши футболчиси бўлиш учун номзодлар рўйхатини эълон қилди. Биринчи чорак финал ўйинлари 8 ва 9 апрель кунлари бўлиб ўтди.

Сешанба куни “Арсенал” “Реал”ни 3:0, “Интер” “Бавария”ни 2:1, чоршанба куни “Барселона” “Боруссия”ни 4:0, “ПСЖ” эса “Астон Вилла”ни 3:1 ҳисобида мағлуб этди.

Овоз беришда Деклан Райс (“Арсенал”), Алессандро Бастони (“Интер”), Хвича Кварацхелия (“ПСЖ”) ва Роберт Левандовски (“Барселона”) ўрин олган.

Ҳафтанинг энг яхши футболчиси УEФА расмий сайтида овоз бериш орқали аниқланади.