"Манчестер Юнайтед" ҳимоячиси Диогу Далот "Манчестер Сити" билан кечган дербида ҳисоб очилмагани ҳақида гапирди.

Учрашув якшанба куни Премьер-лиганинг 31-тури доирасида "Олд Траффорд"да бўлиб ўтди.

"Мен Манчестер дербисини томоша қилаётган одамлар голларни кўришни хоҳлашларини тушунаман - ҳамма кўпроқ голларни хоҳлайди. Аммо майдонда эканман, ўйин анча шиддатли ўтганини ҳис қилдим. Ғалаба учун ҳамма нарсани қилдик, аммо дуранг ўйнадик. Биз ҳамжиҳатлик билан ҳаракат қилдик - бу борада биз доимий равишда қўшиб бормоқдамиз. Ўйлайманки, биз ўша ўйинда ғалаба қозониш учун етарлича вазиятлар яратдик," - деди португалиялик футболчи матбуот анжуманида.