"Ливерпуль"нинг колумбиялик вингери Луис Диас ҳамон каталонияликлар сафига ўтишдан анча узоқда.
Аввал хабар берганимиздек, Диас бир неча мавсумдан буён "Барса"нинг трансфер мақсадларидан ўрин олган бўлса-да, футболчининг 75 миллион евролик нархи клубни чўчитмоқда. Сўнгги маълумотларга кўра, "Ливерпуль" ушбу суммани пасайтирмоқчи эмас, чунки футболчига Саудия Арабистони клублари даъвогарлик қилмоқда.
Диасни "Ан-Наср" ва "Ал-Аҳли"да ўз сафларида кўришни исташади, деб ёзади Football Espana. Ҳозирги вазият "Барса" вакилларининг яна бир бор "Атлетик" сафида тўп тепаётган Нико Уильямс билан келишишга уринишига сабаб бўлиши мумкин.
Луис Диас бу мавсумда АПЛда 30 та ўйинда 10 та гол урди ва 5 та голли узатмани амалга оширди.
