"Лестер" ҳужумчиси Жейми Варди ва унинг жамоадоши Жереми Монга 31-турда "Ньюкасл"га қарши ўйинда (0:3) иштирок этиб, Англия чемпионати тарихига кирди.
Учрашув вақтида Варди 38 ёш-у 91 кунлик, Монга эса 15 ёш-у 271 кунлик эди. Икки футболчи ўртасидаги фарқ 22 йил 180 кунни ташкил этди, бу мусобақа тарихидаги энг катта ёш фарқи ҳисобланади, деб ёзади Opta Joe. Шунингдек, Монга АПЛнинг энг ёш иккинчи дебютантига айланди.
31-турдан сўнг "Лестер" чемпионатда сўнгги ўриндан бир поғона олдинги, 19-ўринда бормоқда. Руд Ван Нистелрой шогирдлари ҳисобида 17 очко мавжуд.
