Бир вақтнинг ўзида Буюк Британия пойтахтининг 2 клуби - "Вест Хэм" ва "Кристал Пэлас" Аргентина ёшлар терма жамоаси марказий ҳимоячиси Кевин Ломонако билан шартнома имзолашга тайёр.

Айни пайтда 23 ёшли футболчи ўз ватанида "Атлетико Индепендьенте" шарафини ҳимоя қилмоқда. Келишув нархи 6 миллион еврога баҳоланмоқда, деб ёзади Crónica. Футболчига бўлган ҳуқуқ Бразилиянинг "РБ Бригантино" клубига тегишли, аммо аргентиналиклар шартномада кўрсатилган сотиб олиш имкониятидан фойдаланишмоқчи.

Шунингдек, "Вест Хэм" "Ипсвич" форварди Лиам Делапни ўз сафига қўшиб олмоқчи. Футболчи АПЛда 12та гол уриб, яхши мавсум ўтказди ва клуб қуйи лигага тушиб кетса, жамоани тарк этиши мумкин.