Мадриднинг "Атлетико" клуби словениялик Ян Облак билан хайрлашиш учун янги дарвозабон қидиришга киришди. Жамоанинг ҳозирги биринчи рақамли посбони келаси ёзда "матрасчилар"ни тарк этиши эҳтимоли йўқ эмас.

Todofichajes портали хабарига кўра, "Хетафе"нинг 32 ёшли дарвозабони Давид Сория Мадрид топ-клуби қизиқишлари доирасига тушиб қолган. Дарвозабоннинг трансфер нархи тўрт миллион еврога баҳоланмоқда. Томонлар ўртасидаги амалдаги меҳнат шартномасининг муддати 2026 йил июнь ойи охирида тугайди.

Испания чемпионатининг жорий мавсумида Сория 30 та ўйин ўтказди. Дарвозабон 25 та тўп ўтказиб юборди ва тўққизта ўйинда ўз дарвозаси дахлсизлигини сақлаб қолди.