"Манчестер Сити" мавсумлар оралиғида чап қанот ҳимоячисининг муаммоли позициясини ёпишни режалаштирмоқда.
Журналист Фабрицио Романонинг хабар беришича, асосий даъвогарлар "Тоттенхэм" ҳимоячиси Дестини Удоги ва "Ювентус" аъзоси Андреа Камбьясо ҳисобланади.
Жорий мавсумда Удоги клублар ўртасидаги барча турнирларда 29 та ўйинда майдонга тушиб, битта голли узатмани амалга оширди.
Унинг "шпорлар" билан амалдаги шартномаси 2030 йилнинг 30 июнига қадар имзоланган. 22 ёшли футболчининг трансфер нархи 45 млн еврони ташкил этади.
Камбьясонинг ҳисобида 36 та ўйин, иккита гол ва учта голли узатма бор. У билан келишув 2029 йилнинг 30 июнида якунига етади ва футболчининг нархи 40 млн еврони ташкил этади.
