Томас Мюллер МЛСдан "Цинциннати"га ўтиши мумкин.
Daily Mail хабарига кўра, америкаликлар клуби германиялик футболчи учун асосий даъвогарга айланган. Аввалроқ Мюллер ёзда "Бавария"ни тарк этиши маълум бўлганди.
Таъкидланишича, МЛС клуби футболчи билан музокара ўтказишда устувор ҳуқуққа эга.
Шу билан бирга, АҚШда ярим ҳимоячига қизиқиш билдираётган яна бир қатор клублар бор - "Бавария" билан ҳамкорлик қилаётган "Лос-Анжелес," шунингдек, "Сан-Диего" ва "Даллас." Бундан ташқари, у Саудия Арабистони ва Европадан таклифлар олиши мумкин.
Мюллер яқин ҳафталарда фаолиятидаги кейинги қадами ҳақида қарор қабул қилишга тайёрланмоқда. Тахминларга кўра, Томас йилига тахминан 5-6 миллион долларлик кўп йиллик шартномага эга бўлишни хоҳлайди.
