"Арсенал" икки асосий ёш футболчиси билан шартномани узайтирмоқчи. Итан Нванера ва Майлс Льюис-Скелли янги узоқ муддатли шартномалар имзолашга яқин. Бу қадамлар клуб мухлислари учун муҳим сигнал бўлиши кутилмоқда, чунки ҳар икки футболчи жорий мавсумда ўзларини юқори савияда кўрсатишмоқда.

Инсайдер Фабрицио Романонинг хабар беришича, Нванера ва Майлс Льюис-Скелли вакиллари билан музокаралар аллақачон фаол босқичда. Манбаларга кўра, клуб бу умидли футболчилар билан узоқ муддатли иш олиб боришга бел боғлаган ва бу албатта жамоани келажак учун кучайтиради.

"Арсенал" Нванера ва Льюис-Скелли билан деярли музокараларни якунлади. Ҳар иккиси ҳам яқин ҳафталарда янги шартномалар имзолаши кутилмоқда", - деб ёзади Романо ўз постида.