"Лион" бош мураббийи Паулу Фонсека Европа Лигаси 1/4 финал дастлабки ўйинида "Манчестер Юнайтед"га (2:2) қарши кечган дуранг ҳақида фикр билдирди.

"Мен ўйинчиларимга улар учун, улар кўрсатган жасорат учун, улар ўз ўйинларини мажбурлаб ва ҳеч нарсадан қўрқмасдан ўйин олиб борганлари учун жуда фахрланишимни айтдим. Биз маҳорат даражасини кўрсатдик. Шундай экан, футболчилардан, жамоадан қониқдим, аммо натижадан тўлиқ қониқмадим. Биз кўпроқ нарсага эришишимиз мумкин, аммо ҳужумга ўтишда жуда самарали бўлган "Ман Юнайтед"га қарши ўйнаётганимизни унутмаслик керак.

Қўшиб берилган 5-дақиқадаги гол жуда муҳим. Биринчи навбатда, жамоа ҳеч қачон таслим бўлмаслигини кўрсатгани учун. Жавоб ўйини олдидан имкониятларни тенг сақлаб қолдик. Жуда оғир бўлишини биламиз, аммо бугун кўрсатилганидан кейин бизда ҳали ҳам имкониятлар бор," - дея Фонсекунинг сўзларини келтиради УEФА матбуот хизмати.