"Манчестер Юнайтед" афсонаси, франциялик собиқ футболчи Эрик Кантона клубдаги вазиятга кескин муносабат билдирди. Унинг фикрича, машҳур клубни жамоанинг янги эгаси Жим Рэтклифф йўқ қилмоқда.
"Рэтклифф келганидан бери бу жамоада ҳамма нарса йўқ қилинмоқда. Бундай вазиятни кўришдан жуда афсусдаман. Бу одамларнинг миясида клуб ҳам, футбол ҳам эмас, бошқа лойиҳалар бор. Улар одамларнинг ҳис-туйғуларига тупуришади. Жамоа руҳини йўқотди. У ўтмиш билан алоқани, аурасини йўқотди," - дея Кантонанинг сўзларини келтиради derbyderbyderby.it.
