"Интер" "Лилль" ҳужумчиси Жонатан Дэвидни ўз сафига қўшиб олмоқчи. Канадалик футболчининг француз клуби билан шартномаси 2025 йилнинг ёзига қадар тузилган, шунинг учун у тез орада эркин агентга айланиши мумкин.
Тахминан ўн кун олдин "Интер" футболчининг агенти Ник Мавромарас билан алоқани тиклаган. Милан клуби футболчининг ҳолати қандай ўзгаргани ва бошқа клублар қандай қадамлар қўйганини билмоқчи эди.
“Интер” Дэвидга йилига 5 миллион евро маош ва 5 йиллик шартнома таклиф қилишга тайёр. Шу билан бирга, футболчининг ўзи йилига 8 миллион евро маош ва 10 миллион бонус талаб қилмоқда.
Канадалик ушбу мавсумда “Лилль” сафида барча турнирларда 43 та ўйинда майдонга тушиб, 23 та гол ва 10 та голли узатмага муаллифлик қилган.
