"Наполи" клуби бугун ўзининг расмий каналларида жамоа футболчиси Алессандро Буонджорнонинг сафдан чиққанини кўрсатувчи тиббий бюллетенни эълон қилди.
Ҳимоячи аллақачон "Болонья"га қарши ўйинни ўтказиб юборган ва энди яна бир нечта ўйинни ўтказиб юбориши маълум бўлди. Унинг тикланиши камида бир ой давом этиши кутилмоқда.
Демак, Антонио Конте чемпионлик учун курашдаги муҳим учрашувларда унга умид боғлай олмайди. Эслатиб ўтамиз, Италия чемпионати якунланишига етти тур қолди ва "Наполи" "Интер"дан 3 очко ортда қолмоқда.













