"Napoli" klubi bugun o‘zining rasmiy kanallarida jamoa futbolchisi Alessandro Buondjornoning safdan chiqqanini ko‘rsatuvchi tibbiy byulletenni e’lon qildi.

Himoyachi allaqachon "Bolonya"ga qarshi o‘yinni o‘tkazib yuborgan va endi yana bir nechta o‘yinni o‘tkazib yuborishi ma’lum bo‘ldi. Uning tiklanishi kamida bir oy davom etishi kutilmoqda.

Demak, Antonio Konte chempionlik uchun kurashdagi muhim uchrashuvlarda unga umid bog‘lay olmaydi. Eslatib o‘tamiz, Italiya chempionati yakunlanishiga yetti tur qoldi va "Napoli" "Inter"dan 3 ochko ortda qolmoqda.