Европанинг топ-5 лигаси клублари "Эвертон" ҳужумчисини кузатиб боришмоқда.

Журналист Руди Галеттининг сўзларига кўра, Европанинг топ-5 лигасининг номи ошкор этилмаган бир қанча клублари ёзги трансферлар ойнаси олдидан маълумот йиғиш учун Бето агентларига мурожаат қилишган.

Қайд этилишича, бугунги кунда 27 ёшли форвард жамоани тарк этиш ниятида эмас, бироқ июн ойида у мавсум якунланганидан кейин бошқа клублар таклифларини кўриб чиқишга тайёр.

Бето жорий мавсумда “Эвертон” сафида барча турнирлар доирасида 28 та ўйинда майдонга тушиб, 10 та гол урди ва 1 та голли узатмани амалга оширди.