Yevropaning top-5 ligasi klublari "Everton" hujumchisini kuzatib borishmoqda.
Jurnalist Rudi Galettining so‘zlariga ko‘ra, Yevropaning top-5 ligasining nomi oshkor etilmagan bir qancha klublari yozgi transferlar oynasi oldidan ma’lumot yig‘ish uchun Beto agentlariga murojaat qilishgan.
Qayd etilishicha, bugungi kunda 27 yoshli forvard jamoani tark etish niyatida emas, biroq iyun oyida u mavsum yakunlanganidan keyin boshqa klublar takliflarini ko‘rib chiqishga tayyor.
Beto joriy mavsumda “Everton” safida barcha turnirlar doirasida 28 ta o‘yinda maydonga tushib, 10 ta gol urdi va 1 ta golli uzatmani amalga oshirdi.
