Италия ОАВлари "Удинезе" футболчиси билан тўқнашиб кетган "Милан" дарвозабонининг ҳолати ҳақида маълумот берди.
Майк Меньян эрталаб касалхонадан чиқди ва дарвозабон "Милан"га қайтмоқда. Тунда барча текширувлар ўтказилди, футболчи ҳушида эди.
Клуб дарвозабонга сешанбагача дам берди.
"Милан" дарвозабон келаси якшанба, 20 апрель куни "Аталанта"га қарши ўйинга қайтиши мумкинлигини маълум қилди. Энг ёмон вариантда у 23 апрель куни "Интер"га қарши Италия кубоги ярим финалининг жавоб ўйинига тайёр бўлади.
Эслатиб ўтамиз, учрашувнинг 51-дақиқасида "Милан" дарвозабони Майк Меньян тўпни қўлга киритиш учун дарвозадан чиқиб борган, бироқ "Удинезе" футболчиси Хименес билан тўқнашиб кетганди. Дарвозабон ҳушини йўқотди ва уни шифокорлар замбилда олиб чиқиб кетишди.
Маълумот учун, "Милан" "Удинезе"ни 4:0 ҳисобида мағлуб этиб, А Серия турнир жадвалида 51 очко билан 9-ўринни эгаллаб турибди.
