Мадриднинг "Реал" клуби бош мураббийи Карло Анчелотти 2024/2025 йилги Чемпионлар лигаси 1/4 финалининг "Арсенал"га қарши дастлабки ўйинидаги йирик мағлубиятдан сўнг (0:3) "Қироллик клуби" футболчиларига Испания чемпионатидаги ўйинларнинг аҳамиятини етказишга ҳаракат қилди. Бу ҳақда журналист Хосе Феликс Диас хабар берди.
Манбага кўра, Анчелоттининг сўнгги икки кун давомидаги машғулотлардаги фаолияти жамоага Ла Лиганинг 31-турида "Алавес" билан учрашув Чемпионлар лигасида "канонирлар"га қарши эҳтимолий қайтиш учун бошланғич нуқта эканлигини етказишга қаратилган.
Эслатиб ўтамиз, "Арсенал" билан жавоб ўйини 16 апрель куни бўлиб ўтади. Испания чемпионати турнир жадвалида "Реал" 63 очко билан иккинчи ўринда бормоқда. Жамоа пешқадам "Барселона"дан 7 очко ортда қолмоқда.
