"Барселона" бош мураббийи Ханс-Дитер Флик марказий ҳимоячи Рональд Араухонинг аҳволи ҳақида гапирди.
Уругвайлик футболчи "Леганес"га қарши ўйинни асосий таркибда бошлади, аммо танаффусда унинг ўрнини Френки де Йонг эгаллади. Учрашув каталонияликларнинг 1:0 ҳисобидаги ғалабаси билан якунланди.
"Араухонинг мушакларида бироз ноқулайлик сезилди, лекин менимча, у яхши бўлади", - деди германиялик мураббий.
Рональд Араухо жорий мавсумда "Барселона" сафида 17 та ўйинда майдонга тушиб, 2 та гол урди ва 2 та голли узатмани амалга оширди. Сешанба куни "кўк-анорранглилар" Чемпионлар лигаси чорак финалида Дортмунднинг "Боруссия"сига қарши жавоб ўйинини ўтказади.
