"ПСЖ" директори Луиш Кампуш парижликлар сафидаги уч йиллик фаолияти ҳақида китоб ёзаётганини маълум қилди.
Журналист Фабрицо Романо хабар беришича, португалиялик мутахассис парижликлар клуби стратегиясининг барча нозик томонлари ва тафсилотларини ўқувчилар билан баҳам кўрмоқчи. Шу билан бирга, "ПСЖ" раҳбарияти Кампушнинг амалдаги шартномасини узайтириш устида ишламоқда.
28-турдан кейин "ПСЖ" 74 очко билан Франция 1-лигаси турнир жадвалида биринчи ўринда бормоқда. Клуб муддатидан аввал навбатдаги чемпионлик унвонини қўлга киритди. Чемпионлар лигасининг биринчи чорак финал учрашувида Луис Энрике шогирдлари "Астон Вилла"ни мағлуб этишди (3:1). Жавоб ўйини 15 апрель куни Бирмингемда бўлиб ўтади.
