"Бавария", "Боруссия Дортмунд" ва "Манчестер Сити" клублари "Барселона Атлетик" ярим ҳимоячиси Гил Фернандесга қизиқиш билдирмоқда.
"Порту" аллақачон испанияликни сотиб олиш опцияси билан ижарага олишни таклиф қилган, "Барселона" эса уни қайтариб олиш имкониятини сақлаб қолган. Бироқ, миш-мишларга кўра, Фернандес клубларнинг унга ўйнаш вақтини кафолатлайдиган жозибали таклифларига қарамай, ҳозирда "Барселона"ни афзал кўрмоқда.
16 ёшли марказий ярим ҳимоячи "блауграна"нинг ёшлар тизими маҳсули ҳисобланади. Испаниянинг учинчи кучли дивизионининг жорий мавсумида Фернандес 25 та ўйин ўтказиб, 5 та гол урди ва 1 та голли узатмани амалга оширди.
