Англия Премьер-лигасининг 32-тур доирасида «Ливерпуль» ўз майдонида «Вест Хэм Юнайтед»ни қабул қилди. «Энфилд»да бўлиб ўтган беллашувда мезбонлар 2:1 ҳисобида ғалаба қозонди.

Баҳсдаги ҳисоб 18-дақиқада очилди — Луис Диас Муҳаммед Салоҳнинг узатмасидан кейин дарвозани ишғол қилди. 86-дақиқада эса «Ливерпуль» ҳимоячиси Эндрю Робертсон ўз дарвозасига гол уриб қўйди.

Аммо 89-дақиқада Виржил ван Дейк Алексис Мак Аллистер томонидан бурчакдан етказилган узатмага бош билан аниқ зарба бериб, жамоасига муҳим уч очкони таъминлади.

Бу натижадан сўнг «Ливерпул» 32 учрашувдан сўнг 76 очко тўплаб, чемпионат жадвалида биринчи ўринни эгаллаб турибди. «Вест Хэм» эса 35 очко билан 17-ўринда қолмоқда.

АПЛ, 32-тур
«Ливерпул» 2:1 «Вест Хэм Юнайтед»
Голлар:
18’ — 1:0 Луис Диас (ассист: М.Салоҳ)
86’ — 1:1 Эндрю Робертсон (автогол)
89’ — 2:1 Виржил ван Дейк (ассист: А.Мак Аллистер)