Мадриднинг "Реал" клуби собиқ ҳужумчиси Хоселу Лондоннинг "Арсенал" клубига қарши жавоб ўйинида жамоанинг камбэк қилишига ишониши ёки ишонмаслигини айтди.
"Қаймоқранглилар" Чемпионлар Лигаси 1/4 финал дастлабки баҳсида "Эмирейтс"га 0:3 ҳисобида имкониятни бой бериб қўйди. Ярим финал йўлланмаси тақдири 16 апрель куни Мадридда ҳал бўлади.
"Реал" ҳар доим ўзгача, айниқса, "Сантьяго Бернабеу"да. Тезкор гол урилса, ҳаммаси кескин ўзгариши мумкин - "Арсенал"га осон бўлмайди, стадионда босим кучли бўлади. Бу қандай содир бўлишини биласиз. Барчамиз "Реал"га ишонамиз ва муваффақиятга умид қиламиз," - деди Хоселу DAZN'га берган интервьюсида.
