Якшанба куни "Манчестер Юнайтед" Премьер-лиганинг 32-турида сафарда "Ньюкасл"га йирик ҳисобда имкониятни бой бериб, навбатдаги мағлубиятини қабул қилиб олди (1:4).
"Қизил иблислар" афсонавий сэр Алекс Фергюсон мураббийликдан кетганидан кейинги биринчи мавсум бўлган 2013/14 йилдан бошлаб, АПЛ доирасида ўтказилган 450 та ўйинда 115 марта мағлубиятга учради. Шотландиялик мураббий раҳбарлиги остида эса жамоа 810 та ўйинда атиги 114 марта мағлуб бўлган эди.
Айни дамда Рубен Аморим жамоаси 38 очко билан турнир жадвалида 14-ўринни эгаллаб турибди. Кейинги турда (20 апрель) манкунианликлар ўз уйида "Вулверхэмптон"ни қабул қилади, ундан олдин эса (17 апрель) "Олд Траффорд"да "Лион" билан Европа Лигаси 1/4 финалида ўйнайди.
