BILD хабарига кўра, "Айнтрахт" ёзда ҳужумчи Уго Экитикени сотиб олиш учун 90-100 миллион евро атрофида маблағ ишлаб олишни режалаштирмоқда, чунки футболчига хориж клублари қизиқиш билдира бошлаган.

22 ёшли французга "Манчестер Юнайтед," "Ливерпуль," "Арсенал" ва "Ньюкасл" даъвогарлик қилмоқда. "Айнтрахт" аввал айтилган 80 миллион евродан ҳам кўпроқ талаб қилиши кутилмоқда. Сабаби - қишда "Манчестер Сити"га ўтган Омар Мармуш кетганидан кейин Экитикенинг ўйинидаги прогресс.

Шунингдек, "Ньюкасл" томонидан 100 миллион евродан кўпроққа баҳоланаётган швециялик Александр Исакнинг трансфер баҳоси ҳам Экитикедаги нархга таъсир кўрсатмоқда. Экитике шведдан уч ёш кичик бўлгани учун Франкфуртда бундай суммани адолатли деб ҳисоблашади. Экитике "Айнтрахт" сафида барча мусобақаларда 42 та ўйинда 21 та гол ва 9 та голли узатмани амалга оширган.