BILD xabariga ko‘ra, "Ayntraxt" yozda hujumchi Ugo Ekitikeni sotib olish uchun 90-100 million yevro atrofida mablag‘ ishlab olishni rejalashtirmoqda, chunki futbolchiga xorij klublari qiziqish bildira boshlagan.
22 yoshli fransuzga "Manchester Yunayted," "Liverpul," "Arsenal" va "Nyukasl" da’vogarlik qilmoqda. "Ayntraxt" avval aytilgan 80 million yevrodan ham ko‘proq talab qilishi kutilmoqda. Sababi - qishda "Manchester Siti"ga o‘tgan Omar Marmush ketganidan keyin Ekitikening o‘yinidagi progress.
Shuningdek, "Nyukasl" tomonidan 100 million yevrodan ko‘proqqa baholanayotgan shvesiyalik Aleksandr Isakning transfer bahosi ham Ekitikedagi narxga ta’sir ko‘rsatmoqda. Ekitike shveddan uch yosh kichik bo‘lgani uchun Frankfurtda bunday summani adolatli deb hisoblashadi. Ekitike "Ayntraxt" safida barcha musobaqalarda 42 ta o‘yinda 21 ta gol va 9 ta golli uzatmani amalga oshirgan.
