Англия Премьер-лигасининг 32-туридан ўрин олган сўнгги учрашув бўлиб ўтди ва унда "Борнмут" "Фулхэм"ни минимал 1:0 ҳисобида мағлуб этишга муваффақ бўлди. Учрашувдаги воқеаларни меҳмонларнинг португалиялик устози Марко Силва изоҳлади.
"Ўйлашимча, биз камида бир очко олишга лойиқ эдик, лекин биз бошиданоқ ўйинни ўзимизга қийинлаштирдик. Биз ўйинларни бошқача, тўғри суръатда, сифатли ва тезкор қарорлар билан бошлашимиз керак. Бу даражада зарур. Биз иккинчи бўлимни назорат қилдик, аммо гол ура олмадик", - дейди Силва.
"Фулхэм" турнир жадвалида 9-ўринни эгаллаб турибди.
