Келаси ёзда Мадриднинг "Реал" клубида бош мураббий ўзгариши мумкин.
Агар кўплаб миш-мишларга ишонадиган бўлсак, Карло Анчелоттининг клубдаги кейинги тақдири Чемпионлар Лигаси 1/4 финалининг "Арсенал"га қарши жавоб ўйинида ҳал бўлади. Биринчи учрашув "қаймоқранглилар"нинг 0:3 ҳисобидаги мағлубияти билан якунланди.
Нуфузли инсайдер Фабрицио Романонинг таъкидлашича, Анчелоттининг жорий мавсум якунлангач, "Реал"ни тарк этиш эҳтимоли ҳақиқатан ҳам анча юқори. Мутахассиснинг сўзларига кўра, ЕЧЛни тарк этиш италиялик мураббийга қимматга тушиши мумкин, аммо ҳаммаси айнан шунга боғлиқ бўлиши ҳақиқат эмас.
Эслатиб ўтамиз, Карло Анчелоттининг амалдаги шартномаси келаси йилнинг ёзига қадар имзоланган.
