Италиянинг "Рома" клуби ҳужумчиси Артём Довбик ёзги трансферлар ойнасида ҳозирги жамоасини тарк этиши мумкин. "Ювентус" футболчининг хизматларига қизиқиш билдирмоқда ва 50 миллион евро тўлашга тайёр.
Италиялик журналистларнинг хабар беришича, Рим клуби форвардни "Рома" таркибида сақлаб қолишга умид қилмоқда. Муаммо украиналик футболчини васвасага соладиган "Ювентус"нинг молиявий таклифи бўлиши мумкин.
Турин клуби Довбикни бўлажак трансфер ойнаси учун устувор номзод деб ҳисобламоқда, бироқ рад жавоби берилса, бошқа ҳужумчиларни излашга ўтади. Якуний қарорни украиналик ҳужумчи қабул қилади.
Жорий мавсумда Артём барча турнирларда 41 та ўйин ўтказиб, 16 та гол урди ва 4 та голли узатмани амалга оширди. Футболчининг шартномаси 2029 йилнинг июнида тугайди. Довбикнинг тахминий баҳоси 30 миллион евро.
