"Челси"нинг собиқ ярим ҳимоячиси ва ҳозирги "Ковентри Сити" бош мураббийи Фрэнк Лэмпард Жозе Моуриньонинг "кўклар"ни бошқарган дастлабки кунлари ҳақидаги хотиралари билан ўртоқлашди. Португалиялик 2004/2005 йилги мавсум олдидан инглиз клубига келган ва уни дарҳол чемпионликка олиб чиққанди.

"Мавсум олдидан Жозенинг биринчи кунида қандай ишонч билан гапирганини эслайман. Биз Сиетлга бордик ва у йиғилиш ўтказди ва чемпион бўлиш учун нима қилишимиз кераклигини айтди. Биз бир йил аввал иккинчи ўринни эгаллаган эдик, шунинг учун биз ундан миллион мил узоқда эмас эдик, лекин у кириб, қандай қилиб чемпион бўлишимизни айтиб берди, бу биринчи кундаги башорат бўлди.

Кейин у йиғилишлар ўтказар, ўйин блоклари ҳақида гапирар ва натижаларни энг майда деталларигача башорат қилар ва биз одатда унинг сўзларига амал қилардик. Буларнинг барчаси биз учун янги эди. Шунчалик ишонч билан кириб келган мураббийни ҳеч қачон учратмаганман", - дея Лэмпард сўзларини келтиради The Telegraph.

Моуриньо айни дамда Туркиянинг “Фенербахче” клуби бош мураббийи.