"Челси"нинг афсонавий ҳимоячиси Жон Терри "кўклар"нинг 2004/2005 йилги мавсумда чемпионликни қўлга киритган таркибини 2003/2004 йилги мавсумда Лондоннинг "Арсенал" жамоаси билан қиёслаш ҳақида гапирди.

"Менимча, 2004/05 йилги мавсумдаги “Челси” ва енгилмас “Арсенал”ни солиштириб бўлмайди. Биз анча яхши эдик. “Манчестер Сити”га қарши битта ўйинда мағлуб бўлдик, биз ҳеч қачон ютқазмаслигимиз керак эди. "Арсенал" 12 ўйинда дуранг ўйнади", - дея Терри сўзларини келтиради The Telegraph.

2004/2005 йилги мавсумда Жозе Моуриньо бошчилигидаги "Челси" Англия чемпиони бўлди. Лондонликлар мавсум давомида бор-йўғи битта мағлубият ва саккизта дуранг қайд этишди. Шунингдек, 38 турда жамоа ўз дарвозасидан бор йўғи 15 та гол ўтказиб юборганини ҳам айтиш керак.